تربية عسكرية

اولا في البداية هذه مقررة علي طلبة الجامعة

ولازم اعمل التربية العسكريةعلشان احصل

علي شهادة التخرج

قولت خالص اعملها وعلشان انا في اخر سنة في الجامعة

وعايز انجز علشان اشوف مستقبلي واعرف

اتجوز بقي

المهم روحت وانا كنت في غاية الكأبة والممل

لازم اكون في مكان التدريب الساعة7 صباحا

والانصراف الساعة3 عصرا

ايه الملل ده

وكمان الجو برد

لكن بعد اول يوم في التربية العسكرية

وبعد اول تدريب وبعد محاضرة استمرت6 ساعات

حست اني لازم استحمل لان ده

اقل حاجة ممكن اعملها

وعرفت ليه التربية العسكرية مقررة علينا

علشان لو حصل لا قدر الله اي عدوان علي مصر

اقدر علي الاقل اشترك في رد العدوان ويبقي عندي ثقافة

عسكرية

واعرف اشترك في القتال مش بشكل عشوائي لكن بشكل سليم

وبرضه علشان لما ادخل الجيش اقدر استوعب التدريبات بشكل سليم

والرائد اللي بيدرس لينا القواعد العسكرية

رجل صارم عنده الانضباط اهم شي

في نفس الوقت اي حد بيطلب منه اي طلب او اجابة عن سؤال

بجاوب دون تردد

حتي لو السؤال تافه

معلش انا مضطر انني مكتبش حاجة تانية لاني عايز انام علشان لازم

اعرف اقوم الصبح من النوم الساعة5 فجرا

وربنا معايا

هبقي اكمل بعدين

..............................................

ولازم اقول حاجة قبل مانام

اخيرا نورهان رجعت لعالم التدوين

ياه اخيرا