المستقبل افضل

خبر يدعو الي التفاؤل

رئيس الإمارات يتبرع بمليون طن قمح هدية للشعب المصري

لا اقصد بالطبع العيب او التقليل من هذه اللفتة الطيبة من

الاشقاء من الدول العربية

ولكن لماذا لا نفكر في هذا التغيير

فبعد ان كانت مصر هي مخزن القمح للعالم القديم

ولا اقصد انا اتهم الحكومة فقط في هذا التغيير

في الشعب المصري له دور كبير في ذلك

بسبب الزيادة السكانية والتركيز في مناطق العيش علي وادي

النيل والدلتا

وكنت اتذكر الايام التي كانت فيها مصر مسيطرة علي الوطن

العربي وهي التي تقدم المساعدات

حتي ان كسوة الكعبة كنت تخرج من مصر

انه حقا خبر يدعو الي التفاؤل لغدا افضل

لم اكن استطيع الكتابة في الفترة السابقة بسبب

الامتحانات ولكن هذا الخبر يدعوالي .......................

لا اعرف الحالة التي انتابتني عند سماع هذا الخبر

هل افرح من اجل وصول كميات مجانية من القمح

ام احزن بسبب الحالة التي اصبحنا عليها

رحلة الي الصعيد الجواني

رحلة الي الصعيد الجواني

رحلة الي الاقصر واسوان

اول مرة اذهب فيها الي اسوان

بجد من اجمل الاماكن اللي تحب تكون موجود فيها

منطقة اثارية وسياحية وشعبية وكل حاجة موجودة في اسوان

اولا الرحلة كانت ممتعة في كل شئ من اول مركبنا القطار

كلنا اصحاب ونتعرف بعض

طبعا الهزر كان جامد اوي وكلنا بنضحك وبنهزر

الجو كان ممتع جدا ده لغاية دلوقتي

اصل بعد ما نزلنا من القطار بقي حاجة تانية

انا حاسيت اني في الغابات الاستوائية او اثيوبيا

او في فرن درجة حرارة عالية اوي

مع اننا في شهر 3

حاجة غريبة فعلا بس مش مهم

ورحنا بيت الشباب بعد رحلة استمرت15 ساعة في القطار

وكان في داخل منطقة استاد اسوان

بس الغريبة ان البلكونة بطل علي المقابر بس مش مهم

بعد راحة ساعتان اخدنا وجبة الغداء

وبجد الاكل علي مستوي عالي اوي

في كل شئ

وبعد كده كان برنامج الزيارة

واول شئ كان متحف النوبة

وصلنا المتحف بعد 5 دقايق بالظبط

ده طبعا لان مفيش زحمة مواصلات

مش علشان قرب المكان

ودخلنا المتحف وكان بيان عليه جديد

واحنا ودخلين طبعا التفتيش

وطبعا كان لازم نطلع كل شئ معدن حتي الحزام

مش مهم علشان خاطر السياحة

المتحف جواه تحس ان في ناس من النوبة عايشين جواه

التجسيم علي درجة عالية اوي في كل شئ وفي صور موجود لمتحف معايا

بس طبعا مش هينفع انزلها كلها دلوقتي

وبعد اخذ الصور داخل المتحف

رجعنا تاني الي الاتوبيس

ونزلنا في جولة حرة داخل اسوان

ده كان اوي يوم لينا هناك

وبأذن الله اقدر اوصف باقي الايام

ديه صور متحف النوبة

عم عربي

العرب

كلمة تطلق علي كل من يتكلم العربية

من الخليج الي المحيط

عيوب العرب

لست انا من يعرف عيوب العرب

ولكن احاول من خلال الاحداث ان اتحدث

عن اخطاء وقع فيها العرب

من خلال احداث غزة الاخيرة والعدوان

الاسرائيلي

اولا لن اتحدث عما يحدث الان

ولكن اذكر اليكم هذا التاريخ

29 اغسطس1897

وهو تاريخ انعقاد اول مؤتمر للحركة الصهيونية

وقرر هذا المؤتمر توطين اليهود في فلسطين

منذ هذا التاريخ تم بناء23 مستوطنة

يهودية في فلسطين حتي اوائل عام1930

والعرب هم من باعوا الاراضي الي هؤلاء اليهود

وبدا اليهود يشكلون عصابات مسلحة داخل فلسطين

كل هذا والعرب لا يتحركواولا يشعرون بشئ

يحدث داخل فلسطين

وصدر وعد بلفور في 1917

ولم يتحرك احد بالرغم من ان المخطط الصهيوني

معروف للعالم كله

ولكن لم يتحرك العرب

الكل يهتم بنفسه

ولكن عندما وقعت الكارثة واعلن اليهود انشاء دولة لهم في فلسطين

في نفس الوقت الذي اعلنت فيه بريطانيا انسحابها من فلسطين

هنا شعر العرب بفلسطين

واحسوا ان القدس تضيع

ولكن بعد ايه

بعد ان استطاع اليهود تشيكل وتكوين عصابات مسلحة ومدربة علي القتال

باحدث الاسلحة البريطانية

والعرب طبعا في دنيا تانية

ودخل العرب الحرب

وكل دولة عايزه تكون ليها القيادة العليا علي الجيوش

العربية

وتمت الهزيمة و اعلن الهدنة والاعتراف بدولة اسرائيل

يعني العرب احسوا بالكيان الصهيوني بعد مرور50 سنة

يا احنا فعلا عرب

يسلام ياحاج عربي

اما دلوقتي بقي

انت بقيت حكاية ياعم عربي

اسرائيل بتعمل مذابح في فلسطين

والدنيا كلها مشغولة بهذه الاحداث الساخنة

والاوضاع داخل غزة

وانت بتفكر في مشكلة الحضري وليه هرب

حضري ايه ياعم عربي

الناس بتموت هناك وانت بتفكر في الحضري

وبتفكر كمان هو ابو تريكة هيلعب ماتش الزمالك

هو مصاب ولا مش هيلعب خالص

طبعا ديه مشاكل مهمة ياعم عربي

والنكتة فيك ياعم عربي انك الي الان عايز تعرف مين قتل الحريري

ياعم فكر في مستقبل الامة احسن

ياعم عربي حرام

كفاية كده

كفاية كده

الامة خالص راحت

واحنا لسه بنفكر في اشياء تافه

ياعم عربي حرام

صدمة

لا اعرف من ان ابدا

ولكن في البداية لابد ان اعتراف ان الحضري

قد اخطا ولكن لا يجب ان ننسي ان هذا الرجل

قد حقق اعظم انجازات الكرة المصرية في الفترة الاخيرة

هذا هو الحضري

وحش افريقيا

لماذا كل هذا الحملة عي تاريخ الحضري؟

عودة الحضري اليوم ما هي الا دليل علي حب الحضري للاهلي ولمصر

وانا واحد من محبي الحضري وسوف اذهب الي مطار القاهرة اليوم في استقبل الحضري

ويارب يكون جمهور الاهلي كله في استقبال الحضري

هذا هو حقه

وسمعت تسجيل صوتي للحضري امس في قناة مودرن سبورت

يعتذر فيه الحضري عن كل ما حدث وارجو من الجمهور ان يستقبل الحضري احسن استقبال

وطالما هو اعتدز واعترف انه اخطا في حق حمهور مصر

حمدا لله علي عودتك ياوحش افريقيا

انا شايف انا ازمة الحضري سببها اشارة الكابتن

هو في ايه

بجد مش عارف ليه بكتب كده

بس حاسس اني مخنوق من حاجات في بلدي في وطني مصر

حبيت افكر في المستقبل لقيت ان احسن حاجة اعملها انام واتطنش

هو في الحاضر علشان يكون في مستقبل

كل يوم اشوف في مواقع الانترنت تصريحات للحكومة نتقول ان في300.000 فرصة عمل

طب ازاي اما المهندس اللي بيشتغل زبال واللي متخرج من تجارة وشغال في محطة بنزين

الناس دول يعملوا ايه.

امال انا اللي لسه بدرس هعمل ايه

ياعم ادخل نام احسن

هي ده مصر بلدنا

هي ده بلد الحضارة بلد الباشوات

بلد احمد عز ورفاقه بلد اصحاب القروض

بجد حرام مجلس شعب كله موافقة اي شئ عايزه الحكومة

طبعا ماهو مجلس الوطني مجلس الاغلبية

ياعم نام وتطنش

ده خالص مش بلدنا دي بقيت بلدهم

الواحد يفكر في السفر علشان حلم الثراء السريع

لدرجة ان حد مصر وصلت لشواطئ ايطاليا

من كتر الناس اللي بيغرقوا في سواحل ايطاليا

حلم السفرموجود عند كل شاب حتي انا ولكن اين الطريق اليه

البلد خالص الاسعار في ارتفاع والناس في انهيار

خالص الناس بتكلم نفسها في الشارع وفي المواصلات

هي ديه مصر هو ده حلم الشعب في 1952

بعد الثورة هو ديه احلامنا

ده غير ان اوربا وامريكا بيقول ان مفيش حرية واحترام لحقوق الانسان في مصر

طبعا هي ديه مصر

على اسم مصر التاريخ يقدر يقول ما شاء أنا مصر عندي أحب وأجمل الأشياء

باحبها وهي مالكه الأرض شرق وغرب وباحبها وهي مرميه جريحة حرب

باحبها بعنف وبرقة وعلى استحياء واكرهها وألعن أبوها بعشق زي الداء

واسيبها واطفش في درب وتبقى هي ف درب وتلتفت تلقيني جنبها في الكرب

والنبض ينفض عروقي بألف نغمة وضرب على اسم مصر

ابطال افريقيا

يا دروجبا قول لآرونا.. المصريين قطعونا

الف مبروك لمصر .. الفراعنة أبطال أفريقيا للمرة السادسة

جانا الهوي جانا.. هنجيب الكاس من غانا

أوتوفيستر: المصريون جعلونا سخرية العالم

حسنى عبد ربه احسن لاعب فى بطولة الامم الافريقية وابو تريكة احسن لاعب فى النهائى

Aboutrika makes six for Egypt

لن انساك يا عبد الوهاب رغم الافراح

متدمعش................

ان مقدرتش تضحك.....متدمعش....و لا تبكيش

و ان مفضلش معاك غير قلبك ....اوعى تخاف ...مش هتموت ....هتعيش...

و ان سألوك الناس عن ضىِ.....جوا عيونك ....مبيلمعشى....متخبيش

قٌلهم العيب مش فىَ......ده العيب فى الضىِ......

أنا مش عاشق ضلمة....و لا زعلت الضىِ

أنا مش عاشق ضلمة.....و لا زعلت الضىِ

مسير

الضى....لوحده .....هيلمع....

و مسير الضحك

لوحده .....هيرجع....

مبيجرحش .....و لا يأذيش

ان مقدرتش تضحك ....متدمعش..... و لا تبكيش

و ان مفضلش معاك غير قلبك ....اوعى

تخاف ...مش هتموت ....هتعيش

أغنية من فيلم لأحمد زكى (الله يرحمه